spot_img
spot_img
Əsas səhifəDigər"Şamaxı" bəyanat yaydı: "Hədəfə çatacağımıza inanırıq"

“Şamaxı” bəyanat yaydı: “Hədəfə çatacağımıza inanırıq”

Dərc tarixi:

“Şamaxı” Futbol Klubu bəyanat yayıb.

“Şamaxı TV” xəbər verir ki, bəyanatda klubun strategiyası və hədəfləri açıqlanıb.

Həmin bəyanatı diqqətinizə çatdırırıq:

“Şamaxı” 2022-ci ilin iyul ayından etibarən Şamaxı rayonunda yerləşən və hər bir şəraiti olan “Şirvan” otel-kompleksində məskunlaşmışdır.

Rayonda fəaliyyət göstərdiyi 9 ay ərzində maddi-texniki bazanın yaradılması, infrastrukturun qurulması, komandanın müasir avtobus ilə təmin edilməsi istiqamətində bir çox işlər görülmüşdür.

“Şamaxı” Futbol Klubu bu mövsümün əvvəlində yeni strategiya müəyyən edərək yerli oyunçuların üzə çıxarılıb inkişaf etdirilməsi və onların ölkə futboluna qazandırılması istiqamətində çalışmağa başlamışdır. Bu səbəbdən heyət yalnız gənc və təcrübəli yerli oyunçulardan formalaşdırılmış, mövsümə başlayarkən heyət üzvlərinin 15 nəfəri 23 yaşına çatmamış gənclər olmuş, oyunçuların böyük əksəriyyətinin Premyer Liqa təcrübəsi olmamış, sonrakı aylarda da daha çox gənclərin heyətə cəlb edilməsinə üstünlük verilmişdir. Eyni zamanda komandanın məşqçi heyəti də ölkə çempionatında debüt etmişdir. Gözlənildiyi kimi təcrübəli oyunçulardan və səviyyəli legionerlərdən formalaşdırılmış digər komandaların oynadığı çempionatda komandamız böyük çətinliklərlə üzləşmişdir. Ölkənin tanınmış futbol mütəxəssisləri və ekspertləri də mövsüm ərzində bu strategiya ilə uğur qazanmağın çox çətin olacağını dəfələrlə bildirmişlər.

Lakin, komanda daxilində olan məqsədyönlü inkişaf planı, ailə ab-havası, mehribanlıq və əzmkarlıq hesabına bu günə kimi bütün çətinliklərin öhdəsindən gəlməyi bacarmışıq və böyük bir mərhələni-komandanın ilkin formalaşması dövrünü arxada qoymuşuq.

Sevindirici haldır ki, artıq bir neçə futbolçumuz ölkə futbolunda öz adından söz etdirməyə başlamış və ölkənin köklü klublarının maraq dairəsinə düşmüşdür. Mövsüm ərzində komandanın 6 oyunçusu ölkənin müxtəlif yaş qrupları üzrə milli komandalarının heyətlərinə cəlb edilmiş, onlardan 1 nəfəri isə mütəmadi olaraq əsas millinin heyətinə dəvət almışdır.

Bu mövsüm rəhbərlik tərəfindən məşqçilər korpusunun qarşısında özünəməxsus oyun tərzi olan mübariz kollektiv formalaşdırmaq və Premyer Liqada yerini qorumaq hədəfi qoyulmuşdur ki, komanda üzvləri hal-hazıradək həmin hədəfə nail olmaq üçün əzmlə çalışır və bu hədəfə çatacağımıza inanırıq.

“Şamaxı” artıq yeni bir inkişaf mərhələsinə doğru irəliləmək üçün mühüm addımlar atmaqdadır. Klub rəhbərliyi, məşqçilər və inzibati heyət qarşıya qoyulmuş məqsədlərə çatmaq üçün tərtib edilmiş plan üzrə yorulmadan birlikdə fəaliyyət göstərir. Biz yaxın gələcəkdə komandamızın məqsədlərinə çatacağına və ölkə futbolu adına uğur qazanacağına çox inanırıq.

Yerli oyunçuların ölkə futboluna qazandırılması işində komandamıza verdikləri dəstəyə görə azarkeşlərimizə, idman jurnalistlərinə və futbol ictimaiyyətinə dərin minnətdarlığımızı bildiririk və bundan sonra da onların böyük dəstəyinə ehtiyacımızın olduğunu bəyan edirik”.

Son xəbərlər

“Neftçi” Adrian Mutunu göndərdi

“Neftçi” rumıniyalı baş məşqçi Adrian Mutunu postundan göndərib."Şamaxı TV" "Qafqazinfo"ya istinadən xəbər verir ki,...

Şamaxıda İctimai Şuranın geniş iclası keçirilib

20 dekabr 2023-cü il tarixdə Rayon İcra Hakimiyyəti yanında İctimai Şuranın geniş iclası keçirilmişdir. "Şamaxı...

Şamaxı Rayon Mərkəzi Xəstəxanasınada onlayn növbə sistemi fəaliyyətə başlayıb

Şamaxı Rayon Mərkəzi Xəstəxanasınada onlayn növbə sistemi fəaliyyətə başlayıb. Xəstəxanadan "Şamaxı TV"yə bildirilib ki,...

Şamaxının turizm potensialı “Euronews” telekanalında – Video

“Euronews” telekanalı Şamaxının turizm potensialı haqqında veriliş hazırlayıb.“Şamaxı TV” xəbər verir ki, verilişdə Şamaxının...

Oxşar xəbərlər

“Neftçi” Adrian Mutunu göndərdi

“Neftçi” rumıniyalı baş məşqçi Adrian Mutunu postundan göndərib."Şamaxı TV" "Qafqazinfo"ya istinadən xəbər verir ki,...

Şamaxıda İctimai Şuranın geniş iclası keçirilib

20 dekabr 2023-cü il tarixdə Rayon İcra Hakimiyyəti yanında İctimai Şuranın geniş iclası keçirilmişdir. "Şamaxı...

Şamaxı Rayon Mərkəzi Xəstəxanasınada onlayn növbə sistemi fəaliyyətə başlayıb

Şamaxı Rayon Mərkəzi Xəstəxanasınada onlayn növbə sistemi fəaliyyətə başlayıb. Xəstəxanadan "Şamaxı TV"yə bildirilib ki,...