Misli Premyer Liqasında 24-cü tur davam edir.
“Şamaxı TV” xəbər verir ki, bu günə nəzərdə tutulan iki oyundan biri başa çatıb.
“Sabah” “Şamaxı”nın qonağı olub. Görüşdə gözlənilməz nəticə qeydə alınıb. Sonuncu pillədə qərarlaşan “Şamaxı” 2-ci pillədə olan “Sabah”a 2:1 hesabı ilə qalib gəlib. Bu, “Sabah”ın ardıcıl 2-ci məğlubiyyətidir. Murad Musayevin komandası bundan əvvəl “Turan Tovuz”a uduzmuşdu – 0:2.
Günün digər oyunda isə “Kəpəz” səfərdə “Sumqayıt”la üz-üzə gələcək. Bu matç saat 17:00-da start götürəcək.
Qeyd edək ki, tura fevralın 27-də keçiriləcək “Qarabağ” – “Neftçi” oyunu ilə yekun vurulacaq.
25 fevral (şənbə)
14:30. “Şamaxı” – “Sabah” – 2:1
Qollar: Amil Yunanov, 72 (1:0), Aleksey Kaşuk, 77 (1:1), Amil Yunanov, 90+5-pen. (2:1)
Hakimlər: Kamranbəy Rəhimov, Akif Əmirəli, Eyyub İbrahimov, Əli Əliyev
Şamaxı şəhər stadionu
17:00. “Sumqayıt” – “Kəpəz”
Hakimlər: Elçin Məsiyev, Elşad Abdullayev, Cəmil Quliyev, Kamal Umudlu
“Kapital Bank Arena”
27 fevral (bazar ertəsi)
20:00. “Qarabağ”– “Neftçi”
Hakimlər: Rəşad Əhmədov, Vüsal Məmmədov, Rəhman İmami, Rəvan Həmzəzadə
“Azersun Arena”
24 fevral (cümə)
“Səbail” – “Qəbələ” – 2:2
“Turan Tovuz” – “Zirə” – 0:2