Xəbər verdiyimiz kimi, bu gün Əli Şərbətov Məşədi Dadaş məscidinə imam təyin edilib.
“Şamaxı TV” xəbər verir ki, 46 yaşlı Əli Şərbətov keçmiş Bakı İslam Universitetində ali təhsil alıb.
Daha sonra Qafqaz Müsəlmanları İdarəsinin təşəbbüsü ilə Liviyaya oxumağa göndərilən Şərbətov 2000-2019-cu illərdə İslam Universitetində müəllim işləyib.
Saray Cümə məscidi və Ceyranbatan məscidində imam olaraq çalışan Əli Şərbətov bu gün Məşədi Dadaş məscidinə imam vəzifəsinə təyin olunub.
Qeyd edək ki, Məşədi Dadaş məscidinin imamı Hacı Şahin Həsənli bu il martın 2-də ürəktutmadan vəfat edib. O, 2002-ci ildən sözügedən məsciddə imam kimi fəaliyyət göstərirdi.