Ermənistan müxalifəti bu gün axşam saatlarında yeni mitinq keçirməyi planlaşdırır.

“Şamaxı TV” xəbər verir ki, bu barədə məlumatı “Ana Ermənistan” blokunun rəhbəri Andranik Tevanyan sosial şəbəkə hesabında canlı yayımda açıqlayıb.

Onun sözlərinə görə, aksiya iştirakçılarının əsas tələbi Baş nazir Nikol Paşinyanın istefası olacaq.

Xatırladaq ki, dünən İrəvanda hökumət əleyhinə etiraz aksiyası keçirilib. Aksiya zamanı 34 nəfər xəsarət alıb. Polis 16 nəfəri saxlayıb. Bununla yanaşı, etirazçılar Rusiyanın ölkədəki səfirliyinin binasına girişi də bağlayıb. Çox sayda insan binanın həm əsas, həm də arxa girişinin önünə toplaşıb. Polis daha sonradan binaya girişi bərpa edib.