Ermənistanın Armavir vilayətində yük qatarı relsdən çıxıb.
“Şamaxı TV” “Sputnik Ermənistan”a istinadən xəbər verir ki, hadisə dəmir yolunun Karakert-Dalarik hissəsində qeydə alınıb.
Bildirilir ki, hadisə nəticəsində xəsarət alan olmayıb. Hazırda İrəvan-Gümri-İrəvan, eləcə də İrəvan-Tbilisi-İrəvan reysi üzrə qatarların hərəkəti dayandırılıb.
Qatarın sement istehsalı üçün xammal daşıdığı qeyd olunub. Hadisənin nəticələrinin 2 gün ərzində aradan qaldırılacağı güman edilir. İnsidentin səbəbləri araşdırılır.