Azərbaycan millisi AVRO-2024-ün seçmə mərhələsində növbəti oyununa çıxacaq.
“Şamaxı TV” xəbər verir ki, yığmamız bu gün Estoniya ilə qarşılaşacaq.
Canni de Byazinin yetirmələri Tallində rəqibin qonağı olacaq. Hazırda hər iki komandanın aktivində 1 xal var. Bu matç qrupda sonuncu yeri tutmamaq baxımdan böyük önəm daşıyır.
Bakı vaxtı ilə saat 20:00-da start götürəcək görüşü almaniyalı Robert Şröder idarə edəcək.
AVRO-2024-ün seçmə mərhələsi
VII tur
13 oktyabr
20:00. Estoniya – Azərbaycan
Baş hakim: Robert Şröder
Tallin. “Le Koq Arena” .
Komandaların start heyətləri açıqlanıb:
Estoniya: Karl Yakob Hein, Marten Kuusk, Artur Pikk, Mattias Kayt, Rasmus Peetson, Georgi Tunyov, Maksim Paskotşi, Konstantin Vassilyev (k), Martin Miller, Markus Poom, Henri Anier
Ehtiyat oyunçular: Matvey İqonen, Karl Andre Vallner, Erik Sorqa, Sergey Zenyov, Henrik Oyamaa, Martin Vetkal, Marko Lukka, Mixael Lilander, Ken Kallaste, Boqdan Vaştşuk, Vlasi Sinyavski
Azərbaycan: Şahruddin Məhəmmədəliyev, Elvin Cəfərquliyev, Anton Krivotsyuk, Höccət Haqverdi, Rahil Məmmədov, Toral Bayramov, Aleksey İsayev, Coşqun Diniyev, Emin Mahmudov (k), Mahir Emreli, Ramil Şeydayev
Ehtiyat oyunçular: Səlahət Ağayev, Rəşad Əzizov, Yusif Nəbiyev, Renat Dadaşov, Emil Səfərov, Cəlal Hüseynov, Bəxtiyar Həsənalızadə, Elvin Camalov, Ozan Can Kökçü, Filip Ozobiç, Qismət Alıyev, Musa Qurbanlı
***
Matç başladı.
***
9-cu dəqiqədə millimiz hesabı açdı. Toral Bayramov fərqləndi.
***
45+2-ci dəqiqədə Ramil Şeydayev penaltidən fərqlənməklə hesabı 2:0 edir.
***
Oyun başa çatdı. Millimiz Estoniya üzərində 2:0 hesablı qələbə qazandı. Bu, yığmamızın qrupda ilk qələbəsidir.