Şamaxıda Ulu Öndərin Azərbaycanda birinci dəfə siyasi hakimiyyətə gəlişi ilə bağlı ”14 iyul 1969-cu il: Müstəqil və qudrətli Azərbaycanın təməlinin qoyulduğu gün” mövzusunda dəyirmi masa keçirilib.

“Şamaxı TV” xəbər verir ki, Şamaxı Rayon İcra Hakimiyyəti və YAP Şamaxı rayon təşkilatının birgə təşkilatçılığı ilə Ulu Öndər Heydər Əliyevin Azərbaycanda ilk dəfə siyasi hakimiyyətə gəlişinə həsr olunmuş tədbir keçirilib.
Tədbiri giriş nitqi ilə açan rayon icra hakimiyyəti başçısı Tahir Məmmədov bildirdi ki, 1969-cu il 14 iyul tarixinin Azərbaycanın yeni tarixində müstəsna rolu, məhz həmin tarixdən başlayaraq respublika həyatının bütün sahələri köklü islahat və sürətli inkişaf yoluna qədəm qoyduğu barədə danışdı.
Daha sonra çıxış edənlər rayon Ağsaqqallar Şurasının sədri Mayıl Alcanov, rayon icra hakimiyyəti yanında İctimai Şuranın sədri Eybalı Ağayev, İctimai Şuranın üzvləri Nəzakət Abdulrazaqova və Ağarza Bayramov Ulu Öndər Heydər Əliyevlə bağlı xatirələrini bölüşərək, 14 iyul tarixinin xalqımızın taleyində oynadığı misilsiz rolundan, məhz həmin dövrdən başlayaraq Azərbaycanın hər yerində olduğu kimi Şamaxıda da intibah dövrünün əsasının qoyulduğu barədə, dahi şəxsiyyətin vətəninə və xalqına sədaqətlə xidmətlərindən, gördüyü işlərdən geniş söhbət açdılar.